Bangladeşiň Hökümeti GDA ýurtlarynyň, Gündogar Ýewropanyň we Merkezi Aziýanyň bazarlaryna eksporty giňeltmegi meýilleşdirýär. Bu barada Daşary işler boýunça döwlet ministri Şama Obaed Islam Bangladeş–GDA Söwda we senagat edarasynyň ýolbaşçylary bilen geçirilen duşuşykda mälim etdi.

Esasy ileri tutulýan ugurlar hökmünde Merkezi Aziýa ýurtlary, şol sanda Türkmenistan, şeýle hem beýleki GDA döwletleri görkezildi. Hökümet eksporty diwersifikasiýalaşdyrmak we maýa goýum hyzmatdaşlygyny ösdürmek boýunça hususy pudagy goldamaga taýýardyr.

Esasy eksport önümleriniň hataryna derman serişdeleri, juta we deri önümleri, keramika, deňiz önümleri, tropiki miweler hem-de IT hyzmatlary girip biler. Söwdany ösdürmek maksady bilen taraplar işewür wekiliýetleriň alyş-çalşyny işjeňleşdirmegi we pudaklaýyn sergileri yzygiderli geçirmegi teklip etdiler.



https://orient.tm